சென்னை: சென்னையில் ஆங்காங்கே மழை பெய்து வரும் நிலையில், பல்வேறு சாலைகளில் ஏற்கனவே ஏற்பட்டுள்ள பள்ளங்களில் மழைநீர் தேங்கி நிற்பதால் வாகன ஓட்டிகள் கடும் சிரமத்தையும், விபத்து அபாயத்தையும் எதிர்கொண்டு வருகின்றனர். சாலையில் பள்ளம் இருப்பது தெரியாத அளவிற்கு மழைநீர் தேங்கி நிற்பதால், இருசக்கர வாகன ஓட்டிகள் மட்டுமின்றி கார் உள்ளிட்ட அனைத்து வாகன ஓட்டிகளும் அந்த பள்ளங்களில் எதிர்பாராதவிதமாக சிக்கி விபத்துக்குள்ளாகும் நிலை ஏற்பட்டு வருகிறது. குறிப்பாக இரவு
Author: vnewstamil
சேவல் சண்டைக்கு தடை இல்லை உயர் நீதிமன்றத்தில் டிஜிபி விளக்கம்
சென்னை: தமிழ்நாட்டில் சேவல் சண்டைக்கு தடை விதிக்கப்படவில்லை என்று சென்னை உயர் நீதிமன்றத்தில் தமிழக காவல்துறை தலைமை இயக்குனர் (டிஜிபி) தரப்பில் விளக்கம் அளிக்கப்பட்டது. சேவல் சண்டையை முறைப்படுத்தும் வகையிலேயே காவல்துறை சார்பில் சுற்றறிக்கை அனுப்பப்பட்டதாகவும் தெரிவிக்கப்பட்டது. இதையடுத்து, சேவல் சண்டைக்கு தடை இல்லாத நிலையில், விதிமுறைகளை பின்பற்றி காவல்துறையினரிடம் மனுதாரர் அனுமதி பெறலாம் என்று நீதிபதி உத்தரவிட்டார்.
கொருக்குப்பேட்டையில் 48 மாணவர்களுக்கு கல்வி உதவித்தொகை வழங்கல்
சென்னை கொருக்குப்பேட்டையில் இந்த ஆண்டிற்கான கல்வி உதவித்தொகை வழங்கும் நிகழ்வு வெற்றிகரமாக நடைபெற்றது. தகுதியுள்ள மாணவர்கள் மற்றும் தனியாகக் குழந்தைகளை வளர்த்து வரும் பெற்றோர்களுக்கு ஆதரவளிக்கும் நோக்கில் கடந்த 4 ஆண்டுகளாக இத்திட்டம் செயல்படுத்தப்பட்டு வருகிறது. அதன் தொடர்ச்சியாக, இந்த ஆண்டு 48 மாணவர்களுக்கு கல்வி உதவித்தொகை வழங்கப்பட்டது. டி. ரவிக்குமார் தலைமையில் நடைபெற்ற இந்த நிகழ்வை பாஸ்கர் மற்றும் சத்யா ஆகியோர் ஒருங்கிணைத்தனர். நிகழ்ச்சியில் அரவிந்த், ஆண்டனி
தெய்வத்திரு டாக்டர் கே.பி.பிரேம் ஆனந்த் இரண்டாம் ஆண்டு நினைவு நாள்.
சென்னை நீலாங்கரையைச் சேர்ந்த ஷிப்பிங் இண்டஸ்ட்ரி தொழிலதிபர் தெய்வத்திரு டாக்டர் கே.பி. பிரேம் ஆனந்த் கடந்த 20-09-2024 அன்று காலமானார். அவரது மறைவு குடும்பத்தினர், உறவினர்கள் மற்றும் நண்பர்கள் மத்தியில் பெரும் சோகத்தை ஏற்படுத்தியது. இந்த நிலையில், அவரது 2-ம் ஆண்டு நினைவு நாள் நாளை (20-09-2026) அனுசரிக்கப்படுகிறது. இதையொட்டி, அவரது குடும்பத்தினர் அனைவரும் குடும்பத்துடன் இணைந்து, மறைந்த டாக்டர் கே.பி. பிரேம் ஆனந்தின் திருவுருவப் படத்திற்கு மாலை அணிவித்து
சென்னையில் மீண்டும் பயங்கரம் — சாலையில் வைத்து வெறிச்செயல்
சென்னை திருவொற்றியூர் பகுதியில் சாலையில் வைத்து பிரதீப் என்ற இளைஞர் கொடூரமாகக் கொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது. மர்ம நபர்கள் பிரதீப்பை தாக்கி, அவரது தலையை சிதைக்கும் வகையில் கொடூரமாக கொலை செய்ததாக கூறப்படுகிறது. தகவல் அறிந்து சம்பவ இடத்திற்கு விரைந்து சென்ற போலீசார், உடலை கைப்பற்றி பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். இந்த கொலை சம்பவம் குறித்து போலீசார் வழக்குப்பதிவு செய்து விசாரணை
குற்ற வழக்குகளில் காரணங்களை முறையாக குறிப்பிடாமல் கைது செய்வதா? காவல்துறைக்கு சென்னை உயர்நீதிமன்றம் கண்டனம்!
சென்னை: குற்ற வழக்குகளில் கைதுக்கான காரணங்களை முறையாக குறிப்பிடாமல், இயந்திரத்தனமான முறையில் கைது நடவடிக்கைகளை மேற்கொள்வது ஏற்கத்தக்கதல்ல என சென்னை உயர்நீதிமன்றம் கண்டனம் தெரிவித்துள்ளது. கைது நடவடிக்கைகளின்போது பின்பற்ற வேண்டிய நடைமுறைகள் குறித்து காவல்துறையினருக்கு தெளிவான புதிய வழிகாட்டுதல்களை உருவாக்கி பிறப்பிக்க, தமிழக காவல்துறை டிஜிபிக்கு (DGP) உயர்நீதிமன்றம் உத்தரவிட்டுள்ளது. குற்றச்சாட்டின் தன்மை, கைது செய்ய வேண்டிய அவசியம் உள்ளிட்ட அம்சங்களை முறையாக பரிசீலித்து, சட்ட விதிகளுக்கு உட்பட்டு மட்டுமே
மழை வடிகால் கழிவுகள் உடனடியாக அகற்ற கோரிக்கை நோய்த்தொற்று அபாயம்:
சென்னை: வரவிருக்கும் மழைக்காலத்தை முன்னிட்டு, சென்னை மாநகராட்சி சார்பில் மழைநீர் வடிகால் வாய்க்கால்களில் தேங்கியுள்ள கழிவுகளை ஊழியர்கள் மூலம் அகற்றும் பணிகள் நடைபெற்று வருகின்றன. இந்நிலையில், வடிகால் கால்வாய்களில் இருந்து அள்ளப்படும் கழிவுகள் சாக்கு மூட்டைகளில் கட்டப்பட்டு, அப்பகுதிகளில் நடைபாதைகளில் வைக்கப்படுவதாக பொதுமக்கள் குற்றம் சாட்டுகின்றனர். இந்த கழிவுகள் சில நாட்களுக்குப் பிறகு சாக்கு மூட்டைகளில் இருந்து வெளியேறி சாலைகளிலும் நடைபாதைகளிலும் சிதறுவதுடன், கடும் துர்நாற்றமும் வீசுவதாக கூறப்படுகிறது. இதனால்
10ஆம் வகுப்பு மாணவிக்கு ஆண் குழந்தை! மாணவி கர்ப்பமாக இருந்தது பள்ளி நிர்வாகத்தின் கவனத்திற்கு வராமல் போனது எப்படி?
திருச்சி பொன்மலைப்பட்டியில் உள்ள அரசு உதவி பெறும் மகளிர் மேல்நிலைப் பள்ளியில், 10ஆம் வகுப்பு படிக்கும் 15 வயது மாணவி பள்ளி விடுதியில் ஆண் குழந்தையைப் பெற்றெடுத்த சம்பவம் அதிர்ச்சியை ஏற்படுத்தியுள்ளது. பின்னர் பள்ளி நிர்வாகம் மாணவியை திருச்சி மகாத்மா காந்தி நினைவு அரசு மருத்துவமனைக்கு அழைத்துச் சென்றது. மாணவி கர்ப்பமாக இருந்தது பள்ளி நிர்வாகத்தின் கவனத்திற்கு வராமல் போனது எப்படி? என்பது குறித்து பள்ளிக் கல்வித் துறை விசாரணையைத்
ரூ.4 ஆயிரம் கட்டிய வீட்டுக்கு ரூ.20 ஆயிரம் கணக்கு — பொதுமக்கள் மின்வாரிய அலுவலகத்தை கண்டித்து ஆர்ப்பாட்டம்
சென்னை, தண்டையார்பேட்டை: சென்னை தண்டையார்பேட்டை மற்றும் சுற்றுவட்டார பகுதிகளில் வழக்கமாக செலுத்தி வந்த மின்கட்டணத்தைவிட தற்போது பல மடங்கு அதிகமாக மின்கணக்கு வந்துள்ளதாக கூறி பொதுமக்கள் அதிருப்தி தெரிவித்தனர். இதையடுத்து, பாதிக்கப்பட்ட பொதுமக்கள் மின்வாரிய அலுவலகத்தை கண்டித்து ஆர்ப்பாட்டத்தில் ஈடுபட்டனர். அப்போது, “வழக்கமான மின்கட்டணத்தைவிட பல மடங்கு அதிகமாக கணக்கு போடுவது ஏன்?” என கண்டன முழக்கங்களை எழுப்பினர். ரூ.4 ஆயிரத்தில் இருந்து ரூ.20 ஆயிரமாக உயர்வு இதுகுறித்து பொதுமக்கள்
கராத்தே போட்டியில் மாணவி அனுஸ்ரீ வெண்கலப் பதக்கம் வென்று சாதனை
பரமக்குடி: சென்னை துரைப்பாக்கம் ஜெயின் கல்லூரி ஆடிட்டோரியத்தில் நடைபெற்ற கராத்தே போட்டியில், ஓபன் குமிட்டே பிரிவில் பரமக்குடி ஏ.வி. மெட்ரிக் மேல்நிலைப்பள்ளி மாணவி குரு அனுஸ்ரீ கலந்து கொண்டு வெண்கலப் பதக்கம் வென்றார். தேசிய அளவிலான கராத்தே வீராங்கனையான குரு அனுஸ்ரீ, தொடர்ந்து பல்வேறு போட்டிகளில் பங்கேற்று பதக்கங்களை வென்று வருகிறார். இந்த வெற்றியின் மூலம் அவர் 34-வது முறையாக பதக்கம் வென்றுள்ளார் என்பது குறிப்பிடத்தக்கது. மாணவி அனுஸ்ரீயின் சாதனையைப்
