சென்னை அரசு ஸ்டான்லி மருத்துவமனைக்கு தினமும் ஆயிரக்கணக்கானோர் மருத்துவ உதவி பெற வருகிறார்கள். அவர்களில் பலர் உள்நோயாளிகளாகவும், பலர் வெளிநோயாளிகளாகவும் சிகிச்சை பெற்று வருகிறார்கள். ஆனால் இவ்வளவு பெரிய மருத்துவமனையில் கூட, நோயாளிகளுக்கும் அவர்களின் உறவினர்களுக்கும் குடிநீர் வசதி இல்லை என்று மக்கள் குற்றம் சாட்டுகின்றனர்.
“தண்ணீர் வைக்கப்பட்டிருக்கிறது, ஆனால் யாரும் பார்த்துக் கொள்வதில்லை! தண்ணீர் இல்லை என்றால் யாரை கேட்கலாம்?” — என்று நோயாளிகள் கேள்வி எழுப்புகின்றனர்.
சமூக ஆர்வலர்கள் கூறுவதாவது:
“அரசு நிதி வந்து கொண்டிருக்கிறது, ஆனால் பராமரிப்பு இல்லை. நோயாளிகள் ஏற்கனவே உடல் வலியால் துன்பப்படுகிறார்கள்; மேலுமாக தண்ணீர் இல்லாமை இன்னும் சிரமத்தை ஏற்படுத்துகிறது.”
அவர்களின் கோரிக்கை தெளிவாக உள்ளது —
ஸ்டான்லி மருத்துவமனையில் உள்ள ஒவ்வொரு பிரிவிலும் பாதுகாப்பான குடிநீர் வசதி உடனடியாக ஏற்படுத்தப்பட வேண்டும்.
அரசு அதிகாரிகள் இந்த பிரச்சினையை கவனித்து விரைவாக நடவடிக்கை எடுத்து, நோயாளிகளுக்கும் பொதுமக்களுக்கும் தேவையான அடிப்படை வசதிகளை உறுதி செய்ய வேண்டும் என்று சமூக ஆர்வலர்கள் வலியுறுத்தினர்.
